لا بديل لكِ

استعرض الموضوع السابق استعرض الموضوع التالي اذهب الى الأسفل

لا بديل لكِ

مُساهمة  حسام جبار الصافي في الأحد مارس 20, 2011 1:48 am


بديل الها الكمر لو شمسي ساعة تغيب
بس انت إن غبت ياهو بديلك؟!

يبو طول الحلو بوصفك تعبت الناس
من شيل الحسن ما تعب حيلك؟!

بقالب هالبشر الله حط عيون
وانت بقالبك بدرين منطيلك

اذا دمعك نزل بسرعة شك الليل
من ثوبه جزء سواه منديلك

واذا يطفى الضوة ويصعب عليك الشوف
الكمر ينزل الك ويصير قنديلك

ولو تمشي احسّك انت واكف بس
هي الكاع من جواك تمشيلك

واذا مرة احزنت من يمة يبجي الليل
ومثل جري الدموع نجومة تجريلك

انت مو حلو هواي اكو حلوين
جميل انت وابد ماكو مثيلك

يبخت امك حبيبي وبخت اهلك بيك
وبخت كلمن كعد لحظة مقابيلك

الفرات ودجلة صارو بس الك يجرون
واسد بابل تحرك اجه يغنيلك

وهناك بمصر اختفى نهر النيل
وبلحدود انلزم رايد يجيلك

حسام جبار الصافي
Admin

المساهمات : 3
تاريخ التسجيل : 18/03/2011
العمر : 28

http://thestars.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى